बालिका बलात्कार आरोपमे १ पक्राउ

कञ्चनपुर, १ असार । बालिका बलात्कारके आरोमे प्रहरी १ जहनहे पक्राउ करले बा । कञ्चनपुरके कृष्णपुर नगरपालिका–४, गुलरियाके ५३ वर्षिय धनबहादुर गुरुङहे पक्राउ करल जिल्ला प्रहरी कार्यालय कञ्चनपुर जनैले बा ।

गुरुङ ओहे ठाउँके ११ वर्षिया बालिकाहे बलात्कार करल कटि आफन्तसे अँट्वारके रोज जिल्ला प्रहरी कार्यालयमे जाहेरी डेले रहैं । जेठ २३ गते फेन बालिकाहे बलात्कार करल जाहेरीमे उल्लेख करल बा ।

ओहे जाहेरीके आधारमे गुरुङहे पक्राउ करके आवश्यक अनुसन्धान हुइटीरहल जिल्ला प्रहरी कार्यालयके डिएसपी अमरबहादुर थापा बटैलैं ।