२४ घण्टामे ४ हजार २० जाने संक्रमणमुक्त, थप १ हजार ९६३ मे कोरोना पुष्टि

कडमाठौं, ४ असार । २४ घण्टामे देशभर १ हजार ९६३ जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार शुकके रोज टमान जिल्लामे करल ७ हजार ५६९ पीसीआर परीक्षणमे १ हजार ९६३ जहनमे कोरोना पुष्टि हुइल हो ।

अस्टेक, ५ हजार ४६८ एन्टिजेन परीक्षणमे ८०५ जहनमे कोरोना संक्रमण डेखाइल बा । पीसीआर ओ एन्टिजेन परीक्षणसे कुल २ हजार ७६८ जहनमे संक्रमण पुष्टि हुइल मन्त्रालय जनैले बा । यीसँगे नेपालमे पीसीआर परीक्षणमे कोरोना डेखाइल संख्या ६ लाख १७ हजार ९४७ पुगल बा ।

अस्टेक, २४ घण्टामे ४ हजार २० जाने कोरोना संक्रमणमुक्त हुइल बटैं । यीसँगे कोरोना संक्रमण हुके चोखाइल संख्या ५ लाख ९ हजार ६२४ पुगल बा ।

मन्त्रालयसे डेहल जानकारी अनुसार देशभर करके थप ४४ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या ८ हजार ६४१ पुगल बा ।