२२११ जाने संक्रमणमुक्त, थप १७४५ मे कोरोना पुष्टि

काठमाडौं, २१ असार । २४ घण्टामे देशभर १ हजार ७४५ जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार सोम्मार टमान जिल्लामे करल ७ हजार ४९९ पीसीआर परीक्षणमे १ हजार ७४५ जहनमे कोरोना पुष्टि हुइल हो ।

अस्टेक, ४ हजार २८ एन्टिजेन परीक्षणमे ८७७ जहनमे कोरोना संक्रमण डेखाइल बा । पीसीआर ओ एन्टिजेन परीक्षणसे कुल २ हजार ६२२ जहनमे संक्रमण पुष्टि हुइल मन्त्रालय जनैले बा । यीसँगे नेपालमे पीसीआर परीक्षणमे कोरोना डेखाइलके संख्या ६ लाख ४६ हजार ३६७ पुगल बा ।

अस्टेक, २४ घण्टामे २ हजार २११ जाने कोरोना संक्रमणमुक्त हुइल बटैं । यीसँगे कोरोना संक्रमण हुके ठिक हुइनाके संख्या ६ लाख ११ हजार ४२९ पुगल बा ।

मन्त्रालयसे डेहल जानकारी अनुसार देशभर करके थप २३ जहनमे मृत्यु हुइल बा । यीसँगे नेपालमे कोरोनासे मृत्यु हुइनाके संख्या ९ हजार २४८ पुगल बा ।