हेलिकप्टरमे गर्भवतीके उद्धार

बाजुरा, २२ असार । बाजुरा जिल्लाके पूर्वी उत्तरी भेगके जगन्नाथ गाउँपालिकाके एक गर्भवतीके स्वास्थ्यचौकीमे सुत्केरी हुइ नैसेकल ओरसे नेपाली सेनाके हेलिकप्टरमार्फत उद्धार करल बा ।

गाउँपालिका–३, गोत्रीके १८ वर्षिया कमला विष्टहे राष्ट्रपति महिला उत्थान कार्यक्रमअन्तर्गत महिला, बालबालिका तथा ज्येष्ठ नागरिक मन्त्रालय नेपाली सेनाके हेलिकप्टरमार्फत कोल्टीमे उद्धार करके नेपालगञ्ज लैगिल हो ।

सहायक प्रमुख जिल्ला अधिकारी समीर भण्डारीके अनुसार गर्भवती विष्टके पेटमे शिशु उल्टा रहल ओरसे जिल्लामे सुत्केरी करैना सम्भव नैरहल ओरसे हेलिकप्टरमार्फत उद्धार करके कोहलपुर मेडिकल कलेजमे लैगिल हो ।

कम उमेरमे विवाह करल कारण शिशु पाइ नैसेकल ओ पेटमे उल्टा रहल कारण कोल्टीमे सुत्केरी कराइ नैसेक्के बाहेर पठाइल कोल्टी प्राथमिक स्वास्थ्य केन्द्र जनैले बा ।