थप १४७९ कोरोना संक्रमित, २० के मृत्यु

काठमाडौं, २५ असार । २४ घण्टामे देशभर १ हजार ४७९ जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार शुकके रोज टमान जिल्लामे करल ६ हजार ६५७ पीसीआर परीक्षणमे १ हजार ४७९ जहनमे कोरोना पुष्टि हुइल हो ।

४ हजार ६५६ एन्टिजेन परीक्षणमे ७६० जहनमे कोरोना संक्रमण डेखाइल बा । पीसीआर ओ एन्टिजेन परीक्षणसे कुल २ हजार २३९ जहनमे संक्रमण पुष्टि हुइल मन्त्रालय जनैले बा । यीसँगे नेपालमे पीसीआर परीक्षणमे कोरोना डेखाइलके संख्या ६ लाख ५२ हजार ८५९ पुगल बा ।

अस्टके, २४ घण्टामे १ हजार ३१६ जाने कोरोना संक्रमणमुक्त हुइल बटैं । यीसँगे कोरोना संक्रमण हुके टिक हुइनाके संख्या ६ लाख १६ हजार ९२९ पुगल बा ।

मन्त्रालयसे डेहल जानकारी अनुसार देशभर करके थप २० जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या ९ हजार ३४० पुगल बा ।