थप २०१० मे कोरोना पुष्टि, १८ के मृत्यु

काठमाडौं, ३० असार । बिटल २४ घण्टामे नेपालमे २ हजार १० जहनमे कोरोना भाइरस संक्रमण डेखाइल बा । स्वास्थ्य तथा जनसंख्या मन्त्रालयके अनुसार ८ हजार १०८ पीसीआर परीक्षणमे बुधके रोज थप २ हजार १० जहनमे संक्रमण पुष्टि हुइल हो ।

अस्टेक एन्टिजेन विधिसे करल ४ हजार ९१६ परीक्षणसे ८९५ जहनमे पोजिटिभ डेखाइल बा । २४ घण्टामे पीसीआर ओ एन्टिजेन विधिसे करल १३ हजार २४ परीक्षणमे २ हजार ९०५ जहनमे संक्रमण पुष्टि हुइल मन्त्रालय जनैले बा ।

२४ घण्टामे थप १ हजार ६०६ जाने संक्रमणमुक्त हुइल बटैं । नेपालमे कोरोना संक्रमणसे थप १८ जहनमे मृत्यु हुइल बा ।

अस्टेक काठमाडौं उपत्यकामे ४२५ जाने संक्रमित थपल बटैं । मन्त्रालयके अनुसार काठमाडौंमे २९४, भक्तपुरमे ६९ ओ ललिपतुर ६२ रहल बटैं ।