सेती अस्पताल प्रयोगशाला परीक्षणमे ३० जहनमे कोरोना पुष्टि

धनगढी, ४ सावन । सेती प्रादेशिक अस्पतालके प्रयोगशालामे करल परीक्षणमे ३० जहनमे कोरोना भाइरस संक्रमण पुष्टि हुइल बा ।

बिटल २४ घण्टामे अस्पतालके प्रयोगशालामे ९३ नमूनाके परीक्षण करलमे ३० जहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलैं ।

उहाँक अनुसार हाल अस्पतालमे १६ जाने संक्रमित उपचाररत बटैं । जोनमध्ये १ जाने आईसीयूमे उपचाररत बटैं । अस्टेक, ७ जाने ठिक हुके घरे लौटल बटैं कलेसे थप २ बिरामी अस्पताल भर्ना हुइल बटैं ।