सेती प्रादेशिक अस्पतालके प्रयोगशालामे ४३ जनहनमे कोरोना पुष्टि

पहुरा समाचारदाता
धनगढी, ६ सावन । सेती प्रादेशिक अस्पतालके प्रयोगशालामे बुधके करल परीक्षणमे ४३ जनहनमे कोरोना भाइरसके संक्रमण पुष्टि हुइल बा ।

उक्त प्रयोगशालामे १२२ नमूनाके परीक्षण करेबर ४३ जनहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलै । ओस्टके ७९ जनहनके रिपोर्ट निगेटिभ आइल बा ।

हाल अस्पतालमे १८ जाने संक्रमित उपचाररत रहल बाटै । जौन मध्ये २ जाने संक्रमित आईसीयूमे उपचाररत रहल अस्पताल जनैले बा ।

ओस्टके बुधके २ जानो बिरामी चोखाके घर गैल बाटै कलेसे ३ जाने अस्पताल भर्ना हुइल बाटै ।