थप २९७७ जनहनमे कोरोना संक्रमण पुष्टि

काठमाडौँ,८ सावन । पाछेक २४ घण्टामे देशभर २९७७ जनहनमे कोरोना भाइरस संक्रमण पुष्टि हुइल बा । उहे अवधिमे १६७८ जाने संक्रमणमुक्त हुइल स्वास्थ्य तथा जनसंख्या मन्त्रालय जनैले बा ।

मन्त्रालयके अनुसार कुल १७ हजार ३०८ जनहनके स्वाब परीक्षण करेबर उ २९७७ जनहनमे संक्रमण पुष्टि हुइल हो । पीसीआर १३ हजार ६९८ जनहनके करेबर १९८२ जनहनमे संक्रमण पुष्टि हुइल बा कलेसे ३६१० जनहनके एन्टिजेन परीक्षण करेबर ९९५ जनहनमे संक्रमण पुष्टि हुइल मन्त्रालयके कहाइ बा ।

ओस्टके बिटल २४ घण्टामे थप १८ जाने ज्यान गुमैले बाटै । यकर संगे देशभर कोरोनासे ज्यान गुमुइयाके कुल संख्या ९ हजार ६७९ पुगल बा ।