लडियामे कुदके बेपत्ता

बझाङ, १० सावन । बझाङमे सेती लडियामे कुदके एकजाने बेपत्ता हुइल बाटै । अँट्वारके सकारे करिब ७ बजे जयपृथ्वी नगरपालिका ११ काप्रिकोटके ६० वर्षीय धर्मराज जोशी कुदुकके बेपत्ता हुइल जिल्ला प्रहरी कार्यालय बझाङ जनैले बा ।

स्थानीय कपडेके झोलुङ्गे पुलठनसे सेती लडियामे कुदके बेपत्ता हुइल खबर करलपाछे प्रहरी खोजी सुरु करले बा । कुदनाके कारण भर आभिनसम खुले नैसेकल जिल्ला प्रहरी कार्यालय बझाङके प्रमुख रूपक खड्का बटैलै । जोशीके खोजी कार्य जारी रहल प्रहरी जनैले बा ।