थप २३९१ मे कोरोना पुष्टि, १६८६ संक्रमणमुक्त
काठमाडौं, ११ सावन । बिटल २४ घण्टामे नेपालमे २ हजार ३ सय ९१ जहनमे कोरोना भाइरस संक्रमण डेखाइल बा । स्वास्थ्य तथा जनसंख्या मन्त्रालयके अनुसार १२ हजार २ सय ४० पीसीआर परीक्षणमे सोम्मार थप २ हजार ३ सय ९१ जहनमे संक्रमण पुष्टि हुइल हो ।
अस्टेक एन्टिजेन विधिसे करल ५ हजार ३२ परीक्षणसे १ हजार ३० जहनमे पोजिटिभ डेखाइल बा । २४ घण्टामे पीसीआर ओ एन्टिजेन विधिसे करल १७ हजार २ सय ७२ परीक्षणमे ३ हजार ४ सय २१ जहनमे संक्रमण पुष्टि हुइल मन्त्रालय जनैले बा । यीसँगे नेपालमे कोरोना संक्रमण हुइनाके संख्या ६ लाख ८२ हजार ९४७ पुगल बा ।
पछिल्का २४ घण्टामे थप १ हजार ६ सय ८६ जाने संक्रमणमुक्त हुइल बटैं । हालसम नेपालमे कोरोनामुक्त हुइनाके संख्या ६ लाख ४५ हजार ३ सय १ बा ।
नेपालमे कोरोना संक्रमणसे थप २५ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या ९ हजार ७ सय ३८ पुगल बा ।
थप ४८ जनहनमे कोरोना संक्रमण पुष्टि
धनगढीस्थित सेती प्रादेशिक अस्पतालमे करल परीक्षणमे थप ४८ जनहनमे कोरोनाके संक्रमण डेखल बा ।
सोम्मारके अस्पतालके प्रयोगशालामे २६९ जनहनके नमूना परीक्षण करलमे ४८ जनहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलै ।
सूचना अधिकारी श्रेष्ठके अनुसार अस्पतालसे सोम्मारके ८ जाने संक्रमित चोखाके घर गैल बाटै कलेसे ४ जाने संक्रमित अस्पताल भर्ना हुइल बाटै । हाल अस्पतालमे २४ जाने संक्रमित उपचाररत रहल बाटै । जौन मध्ये ३ जनहनके आइसियूमे राखके उपचार हुइटी रहल बा ।
