एक्के दिन ३८९९ जाने कोरोना संक्रमित थप्लैं
काठमाडौं, १२ सावन । बिटल २४ घण्टामे ३ हजार ८ सय ९९ जहनमे कोरोना संक्रमण पुष्टि हुइल बा ।
१२ हजार ६ सय ५५ पीसीआर परीक्षण करलमे २ हजार ७ सय २६ जाने ओ ४ हजार ८ सय ६३ एन्टिजेन परीक्षणमे १ हजार १ सय ७३ करके ३ हजार ८ सय ९९ जहनमे कोरोना भाइरसके संक्रमण डेखाइल स्वास्थ्य तथा जनसंख्या मन्त्रालय जनैले बा ।
अस्टेक बिटल २४ घण्टामे कोरोना संक्रमणसे २० जहनके मृत्यु हुइल बा कलेसे १ हजार ७ सय ७८ जाने ठिक हुइल बटैं ।
मंगरके रोज थपलसँगे नेपालमे कोरोना संक्रमितके कुल संख्या ६ लाख ८५ हजार ५ सय ७३ पुगल बा । उमध्ये ९ हजार ७ सय ५८ जहनके मृत्यु हुइल बा कलेसे ६ लाख ४७ हजार ७९ जाने संक्रमणमुक्त हुइल बटैं ।
मन्त्रालयके अनुसार हाल देशभर सक्रिय संक्रमितके संख्या २८ हजार ८ सय ३६ जाने रहल बटैं । जोनमध्ये २५ हजार ९३८ जाने होम आइसोलेसनमे रहल बटैं कलेसे २ हजार ८ सय ९८ जाने संस्थागत आइसोलेसनमे रहल बटैं । कोरोनाके बिरामीमध्ये ६ सय ११ जाने आईसीयू ओ १ सय ७१ जाने भेन्टिलेटरमे उपचाररत् बटैं ।
