थप ३,८४० जनहनमे कोरोना संक्रमण

काठमाडौं, १३ सावन । पाछेक २४ घण्टामे देशभरमे ३८४० जनहनमे कोरोना संक्रमण पुष्टि हुइल बा ।

स्वास्थ्य तथा जनसंख्या मन्त्रालयके अनुसार १० हजार ८८६ पीसीआर परीक्षण करेबर २,६३४ ओ ४,९२२ एन्टिजेन परीक्षणमे १,२०६ सहित ३,८४० जनहनमे संक्रमण पुष्टि हुइल हो ।

मन्त्रालयके अनुसार काठमाडौं उपत्यकामे ८५९ जनहनमे कोरोना संक्रमण हुइल बा । जेम्ने काठमाडौं जिल्लामे ५५९, ललितपुरमे २०६ ओ भक्तपुरमे ९४ जाने संक्रमित भेटल बाटै ।

पाछेक २४ घण्टामे १९९३ जाने संक्रमणमुक्त हुइल बाटै । ओस्टके ३३ जनहनके मृत्यु हुइल बा । देशभर सक्रिय संक्रमितके संख्या २९ हजार ४४४ जाने रहल स्वास्थ्य मन्त्रालय जनैले बा ।