थप २९ जनहनमे कोरोना पुष्टि

धनगढी, १५ सावन । शुकके सेती प्रादेशिक अस्पतालके प्रयोगशालामे २९ जनहनमे कोरोना भाइरस परीक्षण पुष्टि हुइल बा ।

उ प्रयोगशालामे ११८ नमूनाके परीक्षण करेबर २९ जनहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलै । ओस्टके ८९ जनहनके रिपोर्ट निगेटिभ आइल बा ।

पाछेक २४ घण्टामे अस्पतालसे १ जाने डिस्चार्ज हुइल बाटै । कलेसे, २ जाने अस्पतालमे भर्ना हुइल बाटै । हाल अस्पतालमे २२ जाने संक्रमित उपचाररत बाटै । जौनमध्ये ५ जाने आईसीयू, ११ जाने अक्सिजनके सर्पोटरमे उपचाररत बाटै कलेसे ६ जनहनके अवस्था भर सामान्य रहल सूचना अधिकारी श्रेष्ठ बटैलै ।

शुकके थपल मध्ये १८ जाने धनगढीके, ५ जाने कैलालीके ओ ५ जाने अन्य जिल्लाके रहल अस्पताल जनैले बा ।