सेती अस्पतालमे करल परीक्षणमे थप ३५ जहनमे संक्रमण

धनगढी, १६ सावन । धनगढीस्थित सेती प्रादेशिक अस्पतालमे करल परीक्षणमे थप ३५ जाने कोरोनाके संक्रमण डेखाइल बा । शनिच्चर अस्पतालके प्रयोगशालामे १२९ जहनके नमूना परीक्षण करलमे ३५ जहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलैं ।

सूचना अधिकारी श्रेष्ठके अनुसार बिटल २४ घण्टामे अस्पतालसे ९ जाने संक्रमित ठिक हुके घर लौटल बटैं कलेसे थप ४ जाने भर्ना हुइल बटैं । हाल अस्पतालमे १७ जाने संक्रमित उपचाररत रहल बटैं । जोनमध्ये ६ जानेक आइसियूमे ढरके उपचार हुइटा ।