घरबगैचा व्यवस्थापन सम्बन्धी तालिम
पहुरा समाचारदाता
धनगढी, २४ सावन । दलित महिला अधिकार मञ्च नेपालके आयोजनामे ३ दिने घरबगैँचा व्यवस्थापन सम्बन्धी तालिम अँट्वारके रोज धनगढीमे निम्जल बा ।
डिसिएके सहयोगमे दलित महिला अधिकार मञ्च नेपालसे संचालित आधार परियोजना अन्तर्गत पारिवारिक पोषण तथा स्वास्थ्यमे सुधार नन्नाके साथे आय आर्जनमे वृद्धि करना उद्देश्यसे उ तालिम आयोजना करल हो ।
तालिममे घरबगैचाके आवश्यकता ओ महत्व, पारिवारिक पोषण, स्वास्थ्य, खाद्य सुरक्षा लगायतके विषयमे लिबर्डके परियोजना संयोजक ईन्द्रेश्वर मण्डल ओ पारिवारिक पोषण सम्बन्धी विषयवस्तुमे सुआहार परियोजनाके प्रदेश कृषि संयोजक कुलप्रसाद सुवेदी सहजीकरण करले रहैं ।
कार्यक्रममे डिसिएके व्यवसाय तथा बजार प्रवद्र्धन विज्ञ सूर्य रिजाल फेन सहभागीता रहे ।
कार्यक्रममे दलित महिला अधिकार मञ्च नेपालके अध्यक्ष सावित्रा घिमिरे, सहभागीके ओरसे धना महरा, ईन्द्रा चौधरी, लिबर्डके परियोजना संयोजक ईन्द्रश्वर मण्डल मन्तव्य व्यक्त करले रहैं ।
मञ्च नेपालके अध्यक्ष घिमिरेके अध्यक्षतामे हुइल कार्यक्रमके सञ्चालन राजेन्द्र रैका करले रहैं ।
