थप २६१६ कोरोना संक्रमित, १८८५ संक्रमणमुक्त
काठमाडौं, २७ सावन । बिटल २४ घण्टामे नेपालमे २ हजार ६ सय १६ जहनमे कोरोना भाइरस संक्रमण डेखाइल बा । स्वास्थ्य तथा जनसंख्या मन्त्रालयमे बुधके रोज आयोजित पत्रकार सम्मेलनमे १० हजार ९ सय ७ पीसीआर परीक्षणमे देशभर २ हजार ६ सय १६ जहनमे संक्रमण पुष्टि हुइल जानकारी डेहल हो । अस्टेक एन्टिजेन विधिसे ५ हजार ७ सय ४९ परीक्षणमे ८ सय ६५ जहनमे संक्रमण पुष्टि हुइल बा ।
पीसीआर ओ एन्टिजेन विधिसे करल १६ हजार ६ सय ५६ नमुना परीक्षणसे ३ हजार ४ सय ८१ जहनमे संक्रमण डेखाइल बा ।
पीसीआर परीक्षणसे नेपालमे कोरोना पुष्टि हुइनाके संख्या ७ लाख २३ हजार २ सय ९६ पुगल बा ।
२४ घण्टामे थप १ हजार ८ सय ८५ जाने संक्रमणमुक्त हुइल बटैं । यी सँगे ठिक हुइनाके संख्या ६ लाख ७५ हजार ८३ पुगल बा ।
नेपालमे कोरोना संक्रमणसे थप ३० जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या १० हजार १ सय ८० पुगल बा ।
उपत्यकामे ९ सय ६४ संक्रमित
अस्टेक भक्तपुरमे १ सय ९, ललितपुर १ सय ९२ ओ काठमाडौं ६ सय ६३ करके ९ सय ६४ जाने उपत्यकामे संक्रमित थपल बटैं ।
हालसम ३७ लाख १८ हजार ३ सय ३ परीक्षण हुइल बा । नेपालमे सक्रिय संक्रमितके संख्या ३८ हजार ३३ पुगल बा । क्वारेन्टाइनमे ३ सय ९९ जाने रहल बटैं ।
