मुख्यमन्त्री केसीहे विश्वासके मत प्राप्त

बुटवल, ७ भदौं । लुम्बिनी प्रदेशसभामे मुख्यमन्त्री कुलप्रसाद केसी विश्वासके मत पैले बटैं । गठबन्धनके ओरसे मुख्यमन्त्री बनल उहाँ माओवादी केन्द्रके संसदीय दलके नेता हुइँट् ।

प्रदेशसभामा रहल ८० सदस्यमध्ये ४२ जाने उहाँहे विश्वासके मत डेलैं । विपक्षमे भर कौनो फेन मत नैपरल । केसीहे नेपाली काँग्रेसके १९, माओवादी केन्द्रके १७, जनता समाजवादीके ३, राष्ट्रिय जनमोर्चाके १ ओ सूर्य चिह्नसे चुनाव लरल विवादास्पद अजय शाही ओ विमला वली उहाँक पक्षमे मतदान करलैं । प्रतिपक्षके रुपमे प्रदेशसभामे सहभागी हुइल तारा जीसी फेन मुख्यमन्त्रीके पक्षमे मतदान करले बटि । सभामे सहभागी हुइल उपसभामुख कृष्णी थारु भर तटस्थ रहलि ।

प्रमुख प्रतिपक्ष दल चौठा बैठक फेन बहिस्कार करले बा । प्रमुख प्रतिपक्ष दलके प्रमुख सचेतक भूमिश्वर ढकाल प्रदेशसभा सचिवालयसे विपक्षी दलके माग सुनुवाइ नैहुइल ओरसे बैठकमे सहभागी नैहुइल बटैलैं । विपक्षी एमालेके ३७ सदस्य बटैं ।

सवा ४ बजे सुरू हुइल नवौं अधिवेशनके चौठा बैठकमे सभामुख घर्ती संविधानके धारा १८८ के उपधारा १ ओ प्रदेशसभा नियमावली २०७४ के नियम १४३ के उपनियम ४ बमोजिम केसी मुख्यमन्त्रीमे विश्वासके मत लेना प्रक्रिया आघे बहै्रले रहैं ।
केसी साउन २७ गते मुख्यमन्त्री नियुक्त हुइल रहैं ।