विद्यालय भवन निर्माणमे अनियमितता हुइल आरोप
बाजुरा, ९ भदौ । बाजुरा–खप्तड छेडेदह गाउँपालिका–२ कुर्पेकोट आधारभुत विद्यालयके दुई कोठे भवन निर्माणमे अनियमितता हुइल खुलासा हुइल बा ।
राष्ट्रपति शैक्षिक सुधार कार्यक्रम अन्तर्गत १८ लाखमे निर्माणाधिन हुइ लागल दुई कोठे भवनमे गुणस्तरहिन काम कैटी अनियमितता हुइल स्थानीयके आरोप रहल बा । विद्यालयके दुई कोठे भवन निर्माणके सुरुवातीसे नै गुणस्तरहिन काम कैटी आइल गाउँपालिकाके प्राविधिक उपेन्द्र साउँद स्वीकार करले बाटै । जगके पिल्लर हात्तीपाईले डारेबर समयमे डिजाइन स्टमेटमे रहलसे छोट बनाके डारल जनाइल बा ।
सुरुसे फल्ट हुइटी आइल भवनमे असार महिनामे ढलानके काम सुरु करल रहे । ढलान सुरु करेबर कुछ दिन पहिले वडा सदस्य ओ कुछ स्थानीय गुणस्तरके काम नैरहल गुनासो करल रहिट ।
स्थानीयके गुनासो पाछे प्रधानाध्यापक राजेन्द्र बहादुर सिंहहे स्थानीयके गुनासो वेवास्ता करल रहिट । प्राधानाध्यापक सिंह स्थानीयके गुनासोके वेवास्ता कैटी प्राविधिकहे बिना जानकारी असारके अन्तिममे विद्यालयके ढलान करल जनाइल बा ।
सूरुमे कुल बजेटके ३३ प्रतिशत रकम पेश्की लैजासेकल ओ बाँकी कामके स्टमेट नै उठाइल नैहो । रकम भुक्तानी फेन हुइल नैहो । स्थानीयके गुनासोहे मध्यनजर कैके बाँकी कामहे आघे नैबह्रैना कहल बटैले बाटै । सावन महिनाके अन्तिम ओर पलस्तर समेत करसेकल जनाइल बा ।
विद्यालयके प्रधानाध्यापक राजेन्द्रबहादुर सिंह व्यत्तिगत रिसिविके कारण आपन व्यईजत करल बटैलै । ‘हम्रे काम सम्पन्न कैसेक्ली विरोध करुइया करटी रहीही । काम कैसिन हुइल बा,’ स्थानीयहे पुच्छलेसे होजाइ सिंह कहलै ।
गाउँपालिकाके उपाध्यक्ष कुन्ती बुढा उपभोक्ता समितिहे ढिउरचो निर्देशन डेहल रलेसे फेन अटेर करल बटैली । सुरुमे जग बिगारल रहिट उपाध्यक्ष बुढा बटैली । ओकरपाछे ढलानममे बिममे ढुंगा डारल रहे ।
काम रोको पलस्तर नैकरो अनुगमन टोली बलाके यर्थाथ का हो बुझे पर्ना रलेसे फेन नैटेरल बटैले बाटी । केन्द्रसे गैल बैशाख १५ गते शिक्षा विभागसे गाउँपालिकाहे पत्र आइल रहे । ओकर कुछ दिन ढिला कैके केन्द्रसे गाउँपालिकाके लेखामे रकम सहितके अख्तियारी आइल गाउँपालिकाके प्राविधिक उपेन्द्र साउद बटैलै । केन्द्रसे नै स्टमेट पठाइल रहे ।
केन्द्रके स्टमेटके आधारमे बिद्यालयके दुई कोठे भवनके लाग रकम अपुग हुइल ओरसे प्रदेश सामाजिक मन्त्रालयके स्टमेट अनुसार काम आघे बह्राइल साउँद बटैलै ।
