बुध रातसे मनसुन थप सक्रिय हुइना
काठमाडौं, ९ भदौ । आज रातसे नेपालमे मनसुन थप सक्रिय हुइना बा । जल तथा मौसम विज्ञान विभागसे बुके एक बुलेटिन निकारके नेपालके पूर्वी तराईके भूभाग लग्गे मनसुनके न्यून चापीय रेखा रहल कारण विगत एक–दुई दिनआघे नेपालमे मनसुन कुछ सक्रिय रहल जनैले बा ।
विभागके अनुसार आज रातसे उ न्यून चापीय रेखा आउर तराई भूभाग लग्गे अइना ओ कुछ दिनसम उहे क्षेत्रमे रहना हुइल ओरसे उ प्रणालीके कारण देशके ढेर स्थानमे हल्कासे मध्यम वर्षा–झरीके सम्भावना रहल बा ।
प्रदेश नं १, २, वाग्मती, गण्डकी ओ लुम्बिनी प्रदेशके कुछ ओ सुदूरपश्चिम तथा कर्णाली प्रदेशके कुछ स्थानमे भारी वर्षाके सम्भावना रहल ओरसे आवश्यक सतर्कता अपनैना मौसम पूर्वानुमान महाशाखा अनुरोध करले बा ।
रात देशभर सामान्यसे पूर्ण बदली रहिके ढेर स्थानमे हल्कासे मध्यम वर्षाके सम्भावनाके साथे प्रदेश नं १, २ वाग्मती, गण्डकी, लुम्बिनी ओ सुदूरपश्चिम प्रदेशके कुछ स्थानमे मेघगर्जनसहित भारी वर्षाके सम्भावना रहल बटाइल बा ।
