लागुऔषध सहित २ पक्राउ

कञ्चनपुर, १० भदौ । कञ्चनपुर प्रहरीसे लागुऔषधसहित २ जनहनहे पक्राउ करले बा ।

बुधके साँझ ६ बजे भीमदत्त नगरपालिका–६ बसपार्कस्थित विद्युत कार्यालय आघे पर्किङ कैके राखल ना.४ ख ८२०५ नम्बरके बससे उ दुई जनहनहे नियन्त्रणमे लेहल हो । पक्राउ परुइयामे उहे नगरपालिका–५ बैठुइया ३३ वर्षीय सुरेन्द्रराज भट्ट ओ वडा नम्बर ८ के २८ वर्षीय प्रकाश आउजी रहल जिल्ला प्रहरी कार्यालय कञ्चनपुर जनैले बा ।

उहाँहुक्रनके साथसे ५.०८ ग्राम लागुऔषध खैरोहिरोइन, २ थान मोबाइन ओ ४१ हजार बरामद करल जिल्ला प्रहरी कार्यालय कञ्चनपुरके प्रहरी नायव उपरीक्षक सिद्धराज न्यौपाने बटैलै । बससहित नियन्त्रणमे लेहल उहाँहुक्रनके थप अनुसन्धान हुइटी रहल डिएसपी न्यौपाने बटैलै ।