बाढसे भजनी–जोशीपुर सडक खण्ड अवरुद्ध

पहुरा समाचारदाता
भजनी, ११ भदौ । कैलालीके टमान लडियामे आइल बाढसे जिल्लाके टमान ठाउँ डुबानमे परल बा ।

बिफेक रातसे चुरे क्षेत्रओर परल अविरल बर्सासे मोहना, कान्द्रा, पथरैया ओ काँढा लडियामे आइल बाढसे भजनी नगरपालिकाके अधिकांश वडा डुबानमे परल जनाइल बा ।

बाढसे वडा नम्बर २, ३, ५, ६ ओ ८ के अधिकांश घरमे पानी पैँठल वडा नम्बर २ के स्थानीय गंगा डगौँरा जानकारी डेलै । ओस्टके बाढसे भजनी–जोशीपुर सडक खण्ड अवरुद्ध हुइल बा ।

बाढसे अवरुद्ध हुइल उ सडक खण्डमे ट्याक्टरसे मोटरसाइकल ओ पैदल यात्रुहे नघैटी रहल उहाँ बटैलै ।