पहिरोके कारण सडक अबरोध

पहुरा समाचारदाता
धनगढी, ११ भदौ । कैलालीके चुरे गाउँपालिका–५ खानीडाडाँस्थित भीमदत्त राजमार्गमे अबिरल बर्षाके कारण शुकके सकारे पहिरो जाके सडक पूर्णरुपमे अवरोध हुइल बा ।

सडक अबरोध हुइल कना खबर प्राप्त हुइटीकी अस्थाई प्रहरी पोष्ट खानीडाँडासे खटल प्रहरीसे सडक खुलैना पहल करटी रहल बा ।

ओस्टेक डोटी, जोरायल गाउँपालिका–१ गोल्डेन कना स्थानमे गैल रात पहिरो जाके धनगढी–डडेलधुरा सडक अन्तर्गत भीमदत्त राजमार्ग अबरोध हुइल बा । राजमार्ग अबरोध हुइल कना खबर प्राप्त हुइटीकी प्रहरी चौकी घण्टेश्वरसे खटल प्रहरी सडक खुलैना पहल करटी रहल बा ।

ओस्टेक मकवानपुर, ईन्द्रसरोवर गाउँपालिका–२ सिम खोलास्थित हेटौंडा भीमफेदी काठमाडौं सडकमे शुकके सकारे पहिरो जाके सडक अबरोध हुइल बा । सडक अबरोध हुइल कना खबर प्राप्त हुइटीकी प्रहरी चौकी खानिखेतसे खटल प्रहरी सडक खुलैना पहल करटी रहल बा ।

ओस्टेक चितवन, भरतपुर महानगरपालिका–२९ सेतिदोभानस्थितमे नारायणगढ मुग्लिन सडकमे विफेक रात ढूङगा माटीसहितके लेदो पहिरो जाके सडक पूर्णरुपमे अवरोध हुइल बा । सडक अबरोध हुइल कना खबर प्राप्त हुइटीकी प्रहरी चौकी जुगेडीसे खटल प्रहरी सडक खुलैना पहल करटी रहल बा ।

नवलपरासी (पूर्व), गैडाकोट नगरपालिका–९ थुम्सीस्थित पूर्व पश्चिम राजमार्गमे रहल डाईभर्सनमे बिफेक रात रुखसहितके पहिरो जाके सडक पूर्णरूपमे अबरोध हुइल बा । साथे उहे नगरपालिका–१० सशस्त्र वेश क्याम्प लग्गे रहल डाईभर्सन ओ उहे नगरपालिका–११ भेडाबारीस्थित रहल डाईभर्सनमे समेत वर्षातके कारण पानी ओभर फ्लो हुके पूर्व पश्चिम राजमार्ग पूर्णरुपमे अबरोध हुइल बा ।

ओस्टेक करके बिनयी त्रिबेणी गाउँपालिका–२ दाउन्नेस्थित पूर्व पश्चिम राजमार्गमे बिफेक रात ढुङ्गा माटी गेगरसहितके पहिरो जाके सकड पूर्णरुपमे अवरुद्ध हुइल बा । सडक अबरोध हुइल कना खबर प्राप्त हुइटी की ईलाका प्रहरी कार्यालय गैडाकोट ओ प्रहरी चौकी दाउन्नेसे खटल प्रहरी सडक खुलैना पहल करटी रहल बा ।

नवलपरासी (पश्चिम), बर्दघाट नगरपालिका–१० लण्डनबृजस्थित पूर्व–पश्चिम राजमार्गमे विफेक रात कल्भर्ट भास्के सडक अबरोध हुइल बा । सडक अबरोध हुइल कना खबर प्राप्त हुइटीकी ईलाका प्रहरी कार्यालय बर्दघाटसे खटल प्रहरी सडक खुलैना पहल करटी रहल बा ।

सिन्धुली, फिक्कल गाउँपालिका–६ बुधबारेस्थित मध्य पहाडी राजमार्गमे शुकके सकारे लेदो सहित पहिरो जाके सडक अबरोध हुइल बा । साथे सुनकोशी गाउँपालिका–२ कमेरेफाडस्थित विपि राजमार्ग ओ कमलामाई नगरपालिका–८ करकरे ओ बाघमारामे समेत पहिरो जाके सडक अबरोध हुइल बा । सडक अबरोध हुइल कना खबर प्राप्त हुइकी ईलाका प्रहरी कार्यालय भिमान ओ प्रहरी चौकी खाङसाङसे खटल प्रहरी सडक खुलैना पहल करटी रहल बा ।

तनहुँ, भानु नगरपालिका–१ अधेरीखोलास्थित डुम्रे–बेशिसहर सडकमे शुकके सकारे पहिरो जाके सडक अबरोध हुइल बा । सडक अबरोध हुइल कना खबर प्राप्त हुइटीकी प्रहरी चौकी भन्सारसे खटल प्रहरी सडक खुलैना पहल करटी रहल बा ।