पूर्णागिरी क्लवके सार्वजनिक सुनुवाई

पुहरा समाचारदाता
हसुलिया, २ कुँवार । कैलारी गाउँपालिका–२, बसौटीस्थित पूर्णागिरी क्लवके आर्थिक वर्ष २०७७/०७८ के वार्षिक साधारण सभा तथा सार्वजनिक सुनुवाई कार्यक्रम शनिच्चरके रोज निम्जल बा ।

कार्यक्रमके उद्घाटन करमदेव सामुदायिक वन उपभोक्त समितिके अध्यक्ष रामशरण चौधरी करले रहैं ।

कार्यक्रममे क्लवके सचिव विष्णु चौधरी आर्थिक वर्ष २०७७/०७८ के १ लाख ४० हजार ४ सय ७८ रुपियाँ बराबरके आयव्यय प्रस्तुत करले रहैं ।

कार्यक्रममे गाउँक् भल्मन्सा भुखाली चौधरी, बुद्धिजीवी तथा समाजसेवी अरती चौधरी, दीपक चौधरी, राजाराम चौधरी, रामलाल चौधरी, विकास चौधरी लगायत शुभकामना व्यक्त करले रहैं ।

क्लवके अध्यक्ष रमेश चौधरीके अध्यक्षतामे कार्यक्रम हुइल रहे कलेसे स्वागत सल्लहाकार सदस्य लक्ष्मी दहित करले रहि । कार्यक्रमके सञ्चालन उपाध्यक्ष जनकराम चौधरी करले रहैं ।