स्वर्गीय दशीराम सत्गौंवाहे मरणोपरान्त प्रवल जनसेवाश्री सम्मान

पहुरा समाचारदाता
धनगढी, ३ कुँवार । राष्ट्रपति विद्यादेवी भण्डारीसे संविधान दिवसके अवसरमे टमान क्षेत्रमे विशिष्ट योगदान पुगुइया व्यक्तित्वहे मानपदवी, अलंकार ओ पदकसे विभूषित कैना घोषणा करले बाटी ।

उहे पदवीसे कैलालीके कैलारी गाउँपालिका वडा नम्बर ७ भुँइयाँफाँटाका स्वर्गीय दशीराम सत्गौंवा चौधरीहे प्रवल जनसेवा श्री पदवीसे सम्मान करल बा ।

संविधान दिवस २०७८ के अवसरमे नेपाल सरकारसे उहाँहे सम्मान करल हो । स्वर्गीय चौधरीहे राजनीतिकर्मी ओ समाजसेवामे योगदान पुगाइल कहटी सम्मान करल हो ।

नेपाल कम्यूनिष्ट आन्दोलनके प्रखर कमाण्डर उहाँ नेकपा (माओवादी) के बटालियन कमान्डर रहल बेला उहाँ २०६० साल अगहन १६ गते तत्कालिन शाही नेपाली सेनाके भिडन्तमे परके सहादत प्राप्त करल रहिट ।