प्रारम्भिक पहिचान सम्बन्धी दुई दिने तालिम सुरु

इस्मिता कुश्मी
जोशीपुर, ४ कुवाँर । सर्वाङिक अपाङता विकास समाज नेपालके आयोजनामे कैलालीके जोशीपुरमे सोम्मारसे दुई दिने प्रारम्भिक पहिचान सम्बन्धी दुई दिने तालिम सुरु हुइल बा ।

यूएसएडके आर्थिक सहयोग तथा हयन्डीकेप इन्टरनेशनल, वल्र्ड एजुकेशननके सहकार्यमे सबैका लागि पढाई कार्यक्रम अन्र्तगत विद्यालयके प्रधानाध्यापक ओ फोकल पर्सनहुकन प्रारम्भिक पहिचान सम्बन्धी तालिम डेजैटी रहल बा । तालिममे धिरेन शाही, भोजसिंह खडका, रामलखन चौधरीसे प्रशिक्षण डेजैटी रहल बा । तालिममे २३ विद्यालयके ३० जाने प्रधानाध्यापक ओ फोकल पर्सनहुकनके सहभागिता रहल बा ।

तालिममे अपाङताके प्रकार परिचय, गम्भीरताके आधारमे बर्गिकरण, अपाङता परिचयपत्रके व्यवस्था, छात्रवृति सेवा सुविधा, समावेशी शिक्षा अवधारण ऐन, नितिनियम, समावेशी शिक्षा व्यवस्था, प्रारम्भिक पहिचान, तथ्यांक संकलन अभ्यास, शैक्षिक सहयोग प्रणाली, एकिकृत शैक्षिक व्यवस्थापन तथा सूचना प्रणाली, वैयक्तिक शैक्षिक योजना, पढाईके तत्व, शैक्षणिक रणनीति, विद्यालय स्तरीय एक दिने तालिमके योजना निर्माण विषयमे प्रशिक्षण डेजैटी रहल बा ।