थप १८३० कोरोना संक्रमणमुक्त
काठमाडौं, ५ कुँवार । नेपालमे बिटल २४ घण्टामे १ हजार ८३० जाने कोरोना भाइरस संक्रमणमुक्त हुइल बा ।
स्वास्थ्य तथा जनसंख्या मन्त्रालयसे डेहल जानकारी अनुसार मंगरके रोज देशभर करके १ हजार ८३० जाने कोरना ठिक हुके डिस्चार्ज हुइल हुइट । यी सँगे नेपालमे ठिक हुइनाके संख्या ७ लाख ५४ हजार पुगल बा ।
अस्टेक २४ घण्टामे करल ९ हजार ६२६ पीसीआर परीक्षणमे १ हजार ३६ जहनमे कोरोना पुष्टि हुइल बा । यी सँगे नेपालमे संक्रमितके संख्या ७ लाख ८६ हजार ५७७ पुगल बा ।
२४ घण्टामे एन्टिजेन विधिसे ३ हजार ९९६ नमुना परीक्षण करल बा । जेम्ने २९४ जहनमे संक्रमण पुष्टि हुइल मन्त्रालयके तथ्यांकमे उल्लेख बा । २४ घण्टामे ५ जहनके मृत्यु हुइल बा कलेसे हालसम मृत्यु हुइनाके संख्या ११ हजार ५३ पुगल बा ।
सक्रिय संक्रमितके संख्या भर २१ हजार ५२४ रहल बा । हालसम पीसीआर परीक्षण संख्या ४१ लाख १३ हजार ५१२ पुगल बा ।
