फरार प्रतिवादी पक्राउ

पहुरा समाचारदा
धनगढी, १२ कुवाँर । चोरी मुद्दा लागके फरार एक जनहनहे प्रहरी पक्राउ करले बा ।

कैलाली जिल्ला अदालतके मिति २०७७ पुस १९ गतेके फैसलासे १ महिना ७ दिन कैद ओ दश हजार जरिवाना हुके फरार रहल धनगढी उमनपा-१, शान्तिनगर बैठना बर्ष २८ के नविन चौधरीहे अस्थायी प्रहरी पोष्ट शान्तिनगरसे खटल प्रहरी टोली खोज तलासके क्रममे मंगरके रोज पक्राउ करल रहे ।

पक्राउ परल नविनहे कैलाली जिल्ला अदालतमे पेश करल जिल्ला प्रहरी कार्यालय कैलाली जनैले बा ।