ट्रयाक्टरसे गिरके एकके मृत्यु

पहुरा समाचारदाता
धनगढी, १३ कुँवार । ट्रयाक्टरसे गिरके एक जनहनके मृत्यु हुइल बा । गौरीगंगा नगरपालिका–४, राजीपुरमे ट्रयाक्टरसे गिरके १५ बरसके आशिष चौधरीके मृत्यु हुइल प्रहरी जनैले बा ।

गौरीगंगा सामुदायिक वनमे राजीपुरसे बालुवागडा ओर जैटी रहल ट्रयाक्टरसे गिरके चौधरी सख्त घाहिल हुइल रहिट ।

घाहिल चौधरीके उपचारके क्रममे धनगढीके निसर्ग अस्पतालमे मृत्यु हुइल जिल्ला प्रहरी कार्यालय कैलालीके प्रहरी नायव उपरीक्षक प्रतीक विष्ट जानकारी डेलै । ट्रयाक्टरचालक राजीपुरके ४२ वर्षीय कर्णबहादुर खत्रीहे प्रहरी नियन्त्रणमे लेहल बा ।