विमा सुविधा रकम हस्तान्तरण
पहुरा समाचारदाता
मसुरिया, २० कुवाँर । किसान बहुउद्देश्यीय सहकारी संस्था लिमिटेड मसुरिया शाखा मंगरके रोज मृतक जोखन राम डगौराके परिवारहे विमा सुविधा रकम हस्तान्तरण करले बा ।
लिमिटेडके मसुरिया सदस्य फगनी देवी चौधरीके गोसियाके मृत्यु पश्चात विमा सुविधा रकम डेहल हो । जोखनके गैल जेठ २ गते कोरोना संक्रमणसे ज्यान गैल रहिन । सदस्य फगनी गैल पुष २७ गते लिमिटेडके मसुरियासे लोन लेहल रहिट ।
कैलारी गाउँपालिका–९ के अध्यक्ष खेमराज चौधरीके वडका पहुना तथा । किसान बहुउद्देश्यीय सहकारी संस्था लिमिटेड मसुरिया शाखाके प्रमुख किरण चौधरीके अध्यक्षतामे फगनीहे ५ लाख ६३ हजार ८७२ रुप्याके हस्तान्तरण कैगिल बा ।
किसान बहुउद्देश्यीय सहकारी संस्था लिमिटेड मसुरिया शाखासे श्रद्धाञ्जली सभाके आयोजना करके विमा सुविधा रकम हस्तान्तरण करल शाखा प्रमुख किरण बटैली ।
कार्यक्रममे सुपरिवेक्षण विभाग प्रमुख प्रकाश कुमार जि सी, लिमिटेड मसुरिया शाखाके महिला समुहके सदस्यहुकनके उपस्थिति रहे ।
