खाद्य ओ आवास अधिकारके सवालमे अन्तरक्रिया

पहुरा समाचारदाता
धनगढी, २० कुँवार । अनौपचारिक क्षेत्र सेवा केन्द्र (इन्सेक) सुदूरपश्चिम प्रदेश कार्यालयके आयोजना ओ गोदावरी नगरपलिकास्तरीय मानवाधिकार समूहके सहकार्यमे शिक्षा, स्वास्थ्य, खाद्य ओ आवास अधिकारके सवालमे अन्तरक्रिया कार्यक्रम बुधके रोज निम्जल बा ।

गोदावरी नगरपािलकाके उपप्रमुख रत्ना कडायत नगर वडा स्तरके जनप्रतिनिधि, कर्मचारी ओ मानवअधिकार समूहके पदाधिकारहुक्रे मिलके संयुक्तरुपमे विद्यालयल अस्पताल तथा स्वास्थ्य चौकीके अनुगमन करेपरना बटैली । उहाँ शिक्षक दरबन्दी परिपूर्ति करेक लाग नगरपालिकासे नगर शिक्षक ऐनके कार्यविधि नान्के शिक्षक दरबन्दी मिलाइपरना बटैलि ।

गुहेश्वरी माविके प्रधानाध्यापक मानबहादुर खडका विद्यार्थीहुकनके शिक्षण सिकाई तथा शिक्षकहुकनके मनोबल उच्च परेके लाग अनुगमन करेपरना बटैलैं । कार्यक्रममे सहभागी लक्ष्मी नेपाली अप्ने अपन छ जाने छाइहुकनके कापीकिताब ओ ड्रेस किने नैसेक्के अपन लर्का विद्यालय जैनासे वञ्चित रहल बटैलि ।

गोदावरी नगरपािलका वडा नम्बर १२ के वडाध्यक्ष भीमबहादुर खड्का भौगोलिक विगताके कारण स्वास्थ्य ओ शिक्षसे वञ्चित हुइ परल बटैलैं ।