१४८ जाने अपांगता रहल व्यक्तिनहे घर दैलोमे कोरोना खोप
पहुरा समाचारदाता
धनगढी,२१ कुवाँर । पूर्ण अशक्त ओ अति अशक्त अपांङगता व्यक्तिहुकनहे सरकारसे खोप लगैना बेवास्ता करलपाछे १४८ जाने अपांगता रहल व्यक्तिहे घर दैलोमे जाके कोरोना खोप लगाइल बा ।
कोर्डरेड, लुथरन विश्व फेडरेसन नेपाल दिगो विकास समाज भजनी ओ सर्वाङिण अपांगता विकास समाज नेपालके सयुक्त साझेदारीमे विफेक रोज घरदैलो अभियान करके खोप लगाइल हो ।
कोरोना विरुद्धके खोप धनगढी उपमहानगर पालिकाका १५ वडा, मानव सेवा आश्रम, दृिष्ट फाउन्डेसनमे रहल असहाय अपांगता नागरिक लगायत १४८ जनहनहे घर दैलो पुगके खोप लगाइल बा ।
धनगढी उपमहानगरपालिकाके चार वडामे निरन्तर अभियान संचालन हुइटी रहल ओरसे करिब २०० अपांगता नागरिक यी अभियानसे लाभान्वित हुइना सर्वाङिण अपांगता विकास समाज नेपाल धनगढी कैलालीके कार्यकारी निर्देशक नन्दराज भट्ट बटैलै ।
उ खोप अभियानके कुवाँर १९ गते धनगढी उप महानगरपालिका कार्यालय स्वास्थ्य शाखाके समन्वयमे धनगढी उप महानगरपालिकाके नगर उपप्रमुख सुशीला मिश्र भट्ट ओ कोरोना सम्पर्क प्रमुख लक्ष्मी उपाध्यायसे सुरुवात करल रहे ।
