आधारभूत पत्रकारिता तालिम निम्जल
पहुरा समाचारदाता
धनगढी, २१ कुँवार । बिफेक रोज धनगढीमे सात दिने आधारभूत पत्रकारिता तालिम निम्जल बा ।
नेपाल पत्रकार महासंघ केन्द्रीय समितिके आयोजना ओ जिल्ला शाखा कैलालीके संयोजनमे हुइल तालिममे जिल्लाके ४० जाने पत्रकार सहभागी रहिट । तालिम ईन्टरनेशनल अलर्ट ओ यूरोपियन यूनियनके सहयोगमे हुइल रहे ।
कार्यक्रम नेपाल पत्रकार महासंघके केन्द्रीय सचिव हेमकर्ण विकके प्रमुख आतिथ्यमे हुइल रहे । कार्यक्रममे महासंघके केन्द्रीय सदस्य भरत शाह, कैलाली शाखाके निवर्तमान अध्यक्ष जगत साउँद, एन्टेना फाउन्डेशन नेपालके कार्यकारी निर्देशक तथा प्रशिक्षक विनय गुराँगाई, इन्र्टनेश्नल अलर्टके वरिष्ठ कार्यक्रम अधिकृत विजय क्षेत्री, महासंघके कार्यक्रम संयोजक संघर्ष पन्त, सहभागीहुक्रे पूर्णिमा जनला ओ राजन जैगडीलगायत मन्तव्य व्यक्त करले रहिट ।
नेपाल पत्रकार महासंघ कैलाली शाखाके अध्यक्ष हिमाल जोशीके अध्यक्षतामे हुइल कार्यक्रमके सञ्चालन सचिव प्रेम चौधरी कैले रहिट ।
