जिविका कृषि सहकारी पाँचौ वार्षिक साधारणसभा
जीवन चौधरी
पहलमानपुर, २२ कुवाँर । जिविका कृषि सहकारी पाँचौ वार्षिक साधारणसभा तथा विउ स्रोत केन्द्रके उदघाटन विफेक रोज हुइल बा ।
कैलालीके घोडाघोडी नगरपालिका–१० पहलमानपुरमे रहल उ संचालन करल विउ स्रोत केन्द्रके उदघाटन नगर प्रमुख ममता प्रसाद चौधरी करले बटै ।
कृषि आधुनिकरण परियोजना अधिकृत कैलाशराम चौधरी रहिट विशिष्ट पहुनामे हुइल कार्यक्रममे दिगो सहकारीके उपाध्यक्ष प्रेमराज सापकोटा, मोहन्याल सहकारीके बजिर सिंह बम, ग्रामीण सहकारीके खम्मा शाह, वडा नम्बर १० के अध्यक्ष भीम बम लगायत मन्तव्य व्यक्त करले रहिट ।
कार्यक्रममे असल बचतकर्ता प्रदेशु चौधरी, रामकिशनी चौधरी, राजेन्द्र विष्ट ओ सरस्वती चौधरीहे सम्मान करल बा । कार्यक्रममे लिखराम चौधरी १ करोठ ७४ लाख ५१ हजार १ सय ३६ रुप्या १६ पैसा बराके बार्षिक आयव्यय लेखा प्रतिवेदन प्रस्तुत करल रहिट ।
सहकारी अध्यक्ष रामचन्द्र चौधरी कार्यक्रमके संचालन संस्थापक सुन्दरलाल चौधरी ओ स्वागत सदस्य देशराम सत्गौवा करले रहिट ।
