अतिअशक्त अपांङगता व्यक्तिने घर दैलोमे खोप
पहुरा समाचारदाता
धनगढी,२३ कुवाँर । पूर्ण अशक्त ओ अति अशक्त अपांङगता व्यक्तिहुकनहे व्यक्तिहुकनहे घर दैलोमे जाके कोरोना खोप लगागिल बा ।
कोर्डरेड, लुथरन विश्व फेडरेसन नेपाल दिगो विकास समाज भजनी ओ सर्वाङिण अपांगता विकास समाज नेपालके सयुक्त साझेदारीमे संचालन हुइल घरदैलो अभियानमे २ सय जनहनहे खोप लगाइल हो ।
धनगढी उपमहानगरपालिकाके चार वडामे निरन्तर अभियान संचालन हुइल घरदैलो अभियानमे २ सयसे ढेर पूर्ण अशक्त ओ अतिअशक्त अपांङगता व्यक्तिहुकनके घर दैलोमे जाके खोप लगाइल सर्वाङिण अपांगता विकास समाज नेपाल धनगढी कैलालीके कार्यकारी निर्देशक नन्दराज भट्ट बटैलै ।
उ खोप अभियानके कुवाँर १९ गते धनगढी उप महानगरपालिका कार्यालय स्वास्थ्य शाखाके समन्वयमे धनगढी उप महानगरपालिकाके नगर उपप्रमुख सुशीला मिश्र भट्ट ओ कोरोना सम्पर्क प्रमुख लक्ष्मी उपाध्यायसे सुरुवात करल रहे ।
घरदैलो खोप अभियानहे निरन्रता डेटी शुकके रोज धनगढी उपमहानगरपालिका वडा–१५, १६, १४, ७ ओ ८ नम्बर वडामे खोप लगाइल निर्देशक भट्ट बटेलै ।
