मोटरसाइकल दुर्घटनामे एकके मृत्यु

बेलौरी, २३ कुँवार । बेलौरी नगरपालिका–१, बैशाखीके ३२ वर्षीय रकमबहादुर शाहीके मोटरसाइकल दुर्घटनामे मृत्यु हुइल बा ।

शुकके साँझ बेलौरी कलुवापुर राजमार्गके मैनाहा सडकखण्डमे से ७ प ५७०६ नम्बर मोटरसाइकल अपनहे अनियन्त्रित होके मोटरसाइकल कल्भर्टमा टकराके गम्भीर घाहिल हुइल शाहीके उपचारके क्रममे इशासन मेमोरियल अस्पतालमे मृत्यु हुइल इलाका प्रहरी कार्यालय बेलौरी जनैले बा ।

ओहकान मोटरसाइकलमे सवार नवराज शाही घाहिल हुइल बाटै । ओहकान उपचार हुइटी रहल बा । रकम नेकपा (एमाले) निकट राष्ट्रिय युवा संघके जिल्ला सदस्य हुइट । संघके जिल्ला बैठकमे सहभागी होके घर अइना क्रममे उहाँ दुर्घटनामे परल हुइट ।