वेमौसमी पानीके कारण किसानके बेहाल, निन्हा ओ सइकोमे धान जामे लागल (फोटो फिचर)

पहुुरा समाचारदाता
धनगढी, ३ कार्तिक । धान भित्रैना समयमे बरसल वेमौसमी पानीके कारण किसाननके वेहाल हुइल बा ।

ढेर मेहनत ओ लगानी करके उब्जाइल धानवली भित्रैना बेला पानीसे नष्ट पारलपाछे किसाननके वेहाल हुइल हो । यिहे कुवाँर ३१ से कार्तिक २ गते बरसल बेमौसमी पानीसे काटल धानके निन्हा, पुली ओ सइको पुहाके लैगिल बा । कलेसे खेतुवामे बचल धान सइको ओ निन्हामे जामे लागलपाछे यी बरस किसानहुक्रे भोकमरी हुइना बटैले बटै ।