काल्हसे ८ दिन विद्युत अवरुद्ध हुइना

पहुरा समाचारदाता
धनगढी, ६ कार्तिक । प्रशारण तथा वितरण लाइनके बुस कटिङ ओ एमसीसीबी जडान कैना ओरसे अँटवारसे विद्युत सेवा अवरुद्ध हुइना बा ।

धनगढी वितरण केन्द्रअन्तर्गत धनगढीसहित कैलारी गाउँपालिका, गोदावरी, गौरीगंगा, चुरे लगायतके क्षेत्रमे ७ गतेसे १४ गतेसम ८ दिन विद्युत अवरुद्ध हुइना धनगढी वितरण केन्द्रके प्रमुख सुर्यनारायण मण्डल बटैलै ।

उहाँक अनुसार सकारे १० से साँझ ५ बजेसम विद्युत अवरुद्ध हुइना मने प्राधिकरणसे जारी करल सूचनामे स्थान भर खुलाइल नइहो । विद्युत प्राधिकरणसे समयसमयमे फेडर डउन करके बुस कटिङ अर्थात प्रशारण लाइनमे रहल झाडी हटैटी आइल बा ।