काडाँ लडियामे लहैना क्रममे २ जानेक मृत्यु

पहुरा समाचारदाता
धनगढी,१४ कार्तिक । कैलाली भजनी नगरपालिका वडा नं. ३ काडाँ लडियामे लहैना क्रममे २ जानेक मृत्यु हुइल बा ।

शनिच्चरके रोज साँझ पाँच बजे भजनी नगरपालिका वडा नं.३ ढुसी बैठना बर्ष १३ के धनन्जय निसाद ओ बर्ष १० के अरबिन्द्र चौधरीके काडाँ लहैना क्रममे डुबके मृत्यु हुइल जिल्ला प्रहरी कार्यालय कैलाली जनैले बा ।

लर्क डुबल कना स्थानीयसे प्रहरीहे जानकारी करैटीकी तत्काल ईलाका प्रहरी कार्यालय भजनी कैलालीसे प्रहरी टोलि खटके स्थानीयके सहयोगमे लासके खोजतलास करेबेर उहे लडियामे मृत अवस्थामे फेला परल जनागिल बा । उ सम्बन्धमे आवश्यक कानूनी प्रकृया पुरा करके थप अनुसन्धान कार्य हुइटी रहलफे प्रहरी जनैले बा ।