नेपाल भारत मैत्री संघसे बाढ पीडितहे राहत

पहुरा समाचारदाता
धनगढी, १५ कार्तिक । नेपाल भारत मैत्री संघ केन्द्रीय कार्यालयसे कञ्चनपुरके बाढ पीडितहे राहत प्रदान करले बा । कुवाँर ३१ से कार्तिक ३ गतेसम परल अविरल वर्षासे प्रभावित हुइल १७४ परिवारहे राहत प्रदान करल नेपाल भारत मैत्री संघके उपाध्यक्ष हरिशंकर ठाकुर बटैलै ।

उहाँक अनुसार बाढसे क्षति करल बेला प्रतिघर २५ केजी चामल २ केजी दाल नोन ओ तेल सहयोग करल जनाइल बा । बाढ प्रभावितहुकनहे राहत वितरणके लाग केन्द्रीय सह अध्यक्ष शैलेन्द्र मोहन झा, केन्द्रीय वरिष्ठ उपाध्यक्ष तुल बहादुर साउद, केन्द्रीय उपाध्यक्ष हरि शंकर ठाकुर, महासंघके सचिव बोध कृष्ण सुवेदी केन्द्रीय सदस्य जागृति बोगटी ओ कञ्चनपुर शाखा के अध्यक्ष दुर्गा बोहराके उपस्थिति रहल रहे ।

ओस्टेक संघसे आज बाढ प्रभावित क्षेत्र टीकापुर, बर्दिया ओर गुलरियामे समेत राहत वितरणके कार्यक्रम रहल जनैले बा ।