काँग्रेस कैलाली सभापति शाहके वडामे सक्कु निर्विरोध

पहुरा समाचारदाता
धनगढी,२७ कार्तिक । धनगढी उपमहानगरपालिका–२ मे वडा सभापति सहितके कार्यसमिति ओ ६९ जाने क्षेत्रीय प्रतिनिधि निर्विरोध निर्वाचित हुइल बटै ।

नेपाली काँग्रेस कैलालीके जिल्ला सभापति नरनारायण शाहके क्रियाशिल सदस्य वडा नम्बर २ मे रहल बा ।
शनिच्चर सकारे हुइल वडा अधिवेशनसे गणेश वम सभापतिमे छानल बटै । उहाँक नेतृत्वमे ३२ सदस्यीय कमिटी बनल बा । ओस्टेक उ वडासे ६९ जाने ोत्रीय प्रतिनिधि निर्विरोध निर्वाचित हुइल बटै । सभापति शाह, प्रदेश सभा सदस्यहुक्रे टेकबहादुर रैका ओ दिव्वेश्वरी शाह भर स्वतह प्रतिनिधि हुइना व्यवस्था अनुसार स्वतह प्रतिनिधि छानल बटै ।

उ वडासे वर्तमान जिल्ला सचिव पूर्ण कुँवर, प्रचार विभाग प्रमुख नृप सुनारफे क्षेत्रीय प्रतिनिधि छानल बटै । प्रतिनिधि छानलमे वडाअध्यक्ष नरबहादुर वम, यादवप्रसाद जोशी, भीमबहादुर शाह, यज्ञराज उपाध्याय, गजराज पाण्डे, वसव्यवसायी टेकराज जोशी,उद्योग वाणिज्य संघके उपाध्यक्ष पुस्कर ओझा, व्यवसायी हिक्मत शाह लगायत बटै ।