एमाले उपाध्यक्ष चन्दसहित १४ जाने महाधिवेशन प्रतिनिधिमे निर्विरोध

पहुरा समाचारदाता
धनगढी, २७ कार्तिक । अगहन १० से १२ गतेसम चितवनमे हुइना नेकपा (एमाले) के दशौं राष्ट्रिय महाधिवेशनके लाग कैलाली क्षेत्र नम्बर ५ से सात जाने प्रतिनिधि निर्विरोध हुइल बटैं ।

निर्विरोध हुइनाके जिल्ला उपाध्यक्ष रणबहादुर चन्द, धर्मराज पाठक, जीवन बम, राजेश खाती, डिल्लीराज खड्का, झुमा चौधरी ओ छाया थापा (सन्तोष) बटैं ।

ओस्टेक, मजदूर क्षेत्रसे देवबहादुर बम, कृष्णराज जोशी, कर्णबहादुर हमाल, जीतबहादुर मल्ल, कमलादेवी देवकोटा, लक्ष्मीदेवी जोशी ओ शोभा रावल फेन निर्विरोधरुपमे प्रतिनिधि छानल बटैं ।

आब कैलाली क्षेत्र नम्बर १ से दुई महिलासहित पाँच जाने, क्षेत्र नम्बर २ से दुई महिलासहित आठ जाने, क्षेत्र नम्बर ३ मे दुई महिलासहित पाँच जाने, क्षेत्र नम्बर ४ से दुई महिलासहित सात जाने महाधिवेशन प्रतिनिधि छनना बाँकी बा ।