नेपाली काँग्रेस कैलाली वडा अधिवेशन

१२६ वडामन्से १०० वडामे सर्वसम्मत, २५ ठो चुनाव, एक वडामे आज अधिवेशन हुइना
पहुरा समाचारदाता
धनगढी, २७ कार्तिक । नेपाली काँग्रेस कैलालीके १२६ वडा मन्से १०० ठो सर्वसहमत, २५ ठो चुनावी प्रक्रियासे पदाधिकारी ओ क्षेत्रीय प्रतिनिधि चयन हुइल बटै, एक ठो वडामे आज अँटवार चुनाव हुइना बा ।
नेपाली काँग्रेस कैलालीके प्रचार प्रसार संयोजक नृप सुनार कैलालीके १३ स्थानीय तहके १२६ वडा मन्से सय वडामे सहमतिके आधारमे वडा पदाधिकारी ओ क्षेत्रीय प्रतिनिधि छानल बटैलै । उहाँ कहलै, ‘२५ ठो वडामे भर चुनाव हुके मत गणना हुइटी बा । कलेसे गोदावरी नगरपालिका वडा नम्बर ६ मे सहमति हुई नइसेकलपाछे आज अँटवार चुनाव हुइना बा ।’
चुनाव हुइलमे धनगढी उपमहानगरपालिकाके १, ३, ४, १३, १४, १८ रहल बा ओस्टेक गोदवरी नगरपालिकाके वडा नम्बर १, २, ४, ५, ७ चुनाव हुइल बा । टीकापुर नगरपालिकाके वडा नम्बर १, ५, ८,जानकी गाउँपालिकाके वडा नम्बर ८ ओ ९, वर्दगोरिया गाउँपालिकाके वडा नम्बर १, २, ५, ६, गौरीगंगा नगरपालिका वडा नम्बर ४, ५, ७ घोडाघोडी नगरपालिका वडा नम्बर २, ३, जोशीपुर गाउँपालिकाके एक वडा अधिवेशन बाँकी रहल ओ सहमति हुइटी रहल, कैलारी गाउँपालिका, भजनी नगरपालिका, चुरे गाउँपालिका, मोहन्याल गाउँपालिकामे सहमति आधारमे चयन हुइल प्रचार प्रसार संयोजक नृप सुनार बटैलै । लम्कीचुहाके अपडेट बाँकी रहल उहाँ जनैलै ।
कैलाली क्षेत्र नं १ अन्तर्गत जोशीपुर गाउँपालिकामे वडा नं १ मे विवाद डेखल बा कलेसे वडा नं २ वडा सभापति सत्य नारायण बडायक, ३ नं वडामे कृष्ण बहादुर कठरिया, ४ नं वडामे चेतराज चौधरी, ५ नं वडामे नजारी लाल चौधरी, ६ नं वडामे जंग बहादुर डगौरा तथा ७ नं वडा मे लौटन डगौरा वडा सभापतिमे चयन हुइल बटै ।
