ट्र्याक्टर ओ मोटरसाइकल आपसमे टक्सराके एक जानेक मृत्यु

पहुरा समाचारदाता
उदासीपुर, २८ कार्तिक । कैलालीके कैलारी गाउँपालिका वडा नम्बर ८ मे शनिच्चरके साँझ ७ बजे ट्र्याक्टर ओ मोटरसाइकल आपसमे टक्राके एक जानेक मृत्यु हुइल बा ।

जिल्लाके कैलारी गाउँपालिका –८ स्थित भिटर सडकखण्डमे दक्षिणसे उत्तरओर जैटी रहल भे ११ प ७३२४ नम्बरके मोटरसाइकल ओ उहे दिशाओर जैटी रहल से १ त ८९२० नम्बरके ट्र्याक्टर आपसमे टक्राइल प्रहरी बटैले बा ।

र्घटनामे उहे ठाउँक मोटरसाइकल चालक २२ वर्षीय विशाल कठरियाके घटनास्थलमे मृत्यु हुइल प्रदेश ट्राफिक प्रहरी कार्यालय अत्तरिया जनैले बा । ट्र्याक्टर चालक कैलारी –२ के ४६ वर्षीय कृष्ण चौधरीहे इलाका प्रहरी कार्यालय चौमाला ओ ट्र्याक्टर, मोटरसाइकल इलाका प्रहरी कार्यालय मसुरिया नियन्त्रणमे लेहल बटाइल बा । गाडी मालिकसे सम्झौता नइहुइल कारण पीडित पक्षसे अभिन लहास नइउठैले हुइट ।