लैङिक हिंसा न्यूनिकरण कैना अनुशिक्षण
पहुरा समाचारदाता
धनगढी, २९ कार्तिक । पीडित केन्द्रीत दृष्टिकोणसे लैङिक हिंसाके सम्बोधनमे बहुपक्षीय सेवा प्रदायकसंग अन्तरक्रियात्मक अनुशिक्षण कार्यक्रम हुइल बा ।
महिला कानून र विकास मञ्च ओ आइपास नेपालके आयोजनामे धनगढीमे यिहे कार्तिक २५ गतेसे २९ गतेसम पीडित केन्द्रीत दृष्टिकोणसे लैङिक हिंसाके सम्बोधनमे बहुपक्षीय सेवा प्रदायकसंग अन्तरक्रियात्मक अनुशिक्षण कार्यक्रम हुइल हो ।
पाँच दिनसम चलल कार्यक्रममे बहुपक्षीय सेवा प्रदाय प्रहरी, सरकारी वकिल कार्यालय, अदालत, डिसिएमसी, न्यायिक समिति, मेलमिलापकर्ता, बैतानिक वकिल, बार एशोसियसन, माइती नेपालके प्रतिनिधिहुकनके उपस्थिति रहे ।
कार्यक्रममे महिला कानून र विकास मञ्चके कार्यकारी निर्देशक सविन श्रेष्ठ, जिल्ला अदालतके श्रीमान न्यायधिश बाबुकाजी बानिया, मिरा ढुङगाना, सागर पाठक, रत्नामाया लामा लगायतसे पीडित केन्द्रीत दृष्टिकोणसे लैङिक हिंसाके सम्बोधनके लाग बालविवाह, बहुविवाह, दाइजो प्रथा, यौनजन्य दुव्र्यवहार, बोक्सी आरोप सम्बन्धी कसुरमे हुइना सजय, सार्वजनिक स्थलमे हइना यौनजन्य दुव्र्यहार, मानवबेचविखन, जबरजस्ती करणपाछे हुइना सजयके व्यवस्थाबारे अनुशिक्षण डेहल रहे ।
कार्यक्रममे महिला कानून र विकास मञ्चके कार्यकारी निर्देशक सविन श्रेष्ठ अनुशिक्षणपाछे ढेर ज्ञान अदानप्रदान हुइल बटैलै । तालिम समापन कार्यक्रममे आइपास नेपालके विष्णु प्रसाद नेपाली सुदूरपश्चिम प्रदेशके टमान ठाउँमे लैङिक हिंसामे परलहुकनके लाग सेफ हाउस संचालन करल बटैलै ।
धनगढी उपममहानगरपालिकाके तेजु जोशी ओ राजेश भाट तालिमपाछे लैङिक हिंसा न्यूनिकरण ओ हानिकरण प्रथा मन्से हुइना सजायके व्यवस्थाबारे जानकारी हुइल बटैलै । कार्यक्रममे संचालन महिला कानून र विकास मञ्चके जिल्ला संयोजक रेणु प्रधानश्रेष्ठ करले रहिट ।
