गौरीगंगा नगर कार्यसमितिके दुई टिम घोषणा
पहुरा समाचारदाता
धनगढी, ३० कार्तिक । नेपाली कांग्रेस कैलाली जिल्ला गौरीगंगा गौरीगंगा नगर कार्यसमितिके दुई टिम घोषणा हुइल बा ।
नगरस्तरिय अधिबेशनके लाग नेपाली काँग्रेस गौरीगंगा नगर कार्यसमितिके लाग पहल बिक्रम चन्द ओ मोहनबहादुर साउँदके नेतृत्वमे अब्बेसम २ टिमके घोषणा हुइल हो ।
दुई टिममे सभापति पहलबिक्रम चन्द/मोहनबहादुर साउँद, उपसभापतिमे हृदयकुमार थापा/रामबहादर सुनार, उपसभापति –तिलाराम चौधरी/चिरिन्जिवि छेडाल, सचिवमे हेमन्त जोशी/सि.पी सापकोटा, सचिवमे दिनेश कलेल/गोहनी राना, सह–सचिवमे प्रकाश खडका/योगेन्द्र मन्नी, सहसचिवमे सुशिला चौधरी/खुसीराम चौधरी सहितके नयाँ नेतृत्वके लाग टिम घोषणा हुइल हो ।
नेपाली काँग्रेस धनगढीके सभापतिमे उपाध्याय ओ क्षेत्रीय सभापतिमे पडालसे उम्मेदवारी घोषणा
सुदूरपश्चिमके एक ठो उपमहानगर धनगढीके सभापतिके लाग नेता यज्ञराज उपाध्यायसे उम्मेदवारी घोषणा करल बटै ।
नेपाल विद्यार्थी संघसे नेपाल काँग्रेसके राजनीतिमे सक्रिय हुइल उपाध्याय अब्बे नगर सचिव बटै । ओस्टेक कैलाली निर्वाचन क्षेत्र नम्बर ५ के सभापतिके लाग नेता भीम पडाल उम्मेदवारी घोषणा करले बटै । वर्तमान क्षेत्रीय सचिव पडाल धनगढीमे एक कार्यक्रमके आयोजना करटी क्षेत्रीय सभापतिमे उम्मेदवारी घोषणा करल हुइट ।
कैलालीमे कार्तिक ३० गते पालिका अधिवेशन हुइना बा कलेसे अगहन ३ गते प्रदेश निर्वाचन क्षेत्रके अधिवेशन हुइना बा । अगहन ६ गते संघीय निर्वाचन क्षेत्र अधिवेशन सम्पन्न हुइलपाछे अगहन १० गते जिल्ला अधिवेशन तोकल बा ।
कैलाली काँग्रेससे वर्तमान सभापतिके अध्यक्षतामे १ हजार ५ सय १ सदस्यीय जिल्ला अधिवेशन मुल व्यवस्थापन समिति गठन करल जनैले बा ।
