कैलालीमे काँग्रेसके पालिका अधिवेशन, के कहाँ आइल सभापतिमे

पहुरा समाचारदाता
धनगढी, २ अगहन । नेपाली कांग्रेस कैलालीके स्थानीय तहमे अधिवेशन सम्पन्न हुइल बा । प्रचारप्रसार समितिके संयोजक नृपबहादुर सुनारके अनुसार कैलालीके १३ स्थानीय तहके मत परिनाम आसेकल बा ।
१ धनगढी उपमहानगरपालिका सभापति यज्ञराज उपाध्याय
२ टिकापुर नगरपालिका सभापती नरेश खत्री
३ गौरीगंगा नगरपालिका सभापति पहल बिक्रम चन्द
४ लम्किचुहा नगरपालिका सभापति ईन्द्र कुवँर
५ भजनी नगरपालिका सभापती नवराज मिश्र
६ गोदावरी नगरपालिका सभापती बिर बहादुर चोखाल
७ घोडाघोडी नगरपालिका सभापती बम बहादुर सिंह
८ चुरे गाउँपालिका सभापति हेम शाह
९ जानकी गाउँपालिका सभापति गणेश रेग्मी
१० बर्दगोरिया गाउँपालिका सभापति कृष्ण बिष्ट
११ कैलारी गाउँपालिका सभापति कृष्ण प्रसाद चौधरी
१२ मोहन्याल गाउँपालिका सभापती कमल साउद
१३ जोशिपुर गाउँपालिका सभापती बंशराम चौधरी

मोहन्याल गाउँपालिकामे प्रेमबहादुर बुच्चामगरहे पराजित करटी सभापतिमे कमल साउद प्यानलसहित निर्वाचित हुइल सुनार जानकारी डेलै । उहाँक अनुसार बर्दगोरिया गाउँपालिकामे प्रतिद्वन्द्वी महेन्द्र शाहहे पराजित करटी कृष्ण बिष्ट प्यानलसहित सभापतिमे निर्वाचित हुइल बटै ।कैलारी गाउँपालिकामे अब्बेक सभापति कृष्णबहादुर चौधरी दोहरल बटै । चौधरीके नेतृत्वमे सर्वसम्मतिसे गाउँ समिति चयन करल बा । जानकी गाउँकार्य समितिमे गणेशराज रेग्मीके सभापति सर्वसहमतिसे नयाँ कार्यसमिति चयन हुइल बा । उपसभापतिमे महारूप जैशी, लक्ष्मण चौधरी, सचिवमे चेतमान तिरूवा, श्याम चौधरी, सहसचिवमे भीमबहादुर थारू, मथुराप्रसाद भण्डारी निर्विरोध निर्वाचित हुइल बटै ।
कांग्रेस जोशीपुर गाउँपालिका सभापतिमे बंशराम वडायक निर्विरोध निर्वाचित हुइल बटै । ओस्टेक उपसभापतिमे कन्हैयालाल चौधरी ओ नेतराम रावत सचिवमे विश्वनाथ प्रसाद चौधरी, पूर्ण बहादुर चौधरी, सहसचिवमे सरजु प्रसाद चौधरी, भिख्खु लाल चौधरी निर्विरोध निर्वाचित हुइल बटै । ओस्टेक काँग्रेस चुरे गाउँ समिति सभातिमे हेम शाह निर्वाचित हुइल बटै । बुधके हुइल गाउँपालिका अधिवेशनमे उहाँ निर्बाचित हुइल हुइट । उहाँ निर्वाचनमे ५९ मत पैले रहिट कलेसे सभापतिके दुसर उम्मेदवार खगेन्द्र खडायत ३६ मत केल पैले रहिट । समितिके उपसभापतीमे गोपाल शाही ओ चक्र बोहरा निर्विरोध चयन हुइल बटै । ओस्टेक सचिवमे लालबहादुर धामी ओ प्रदिप मल्ल विजयी हुइल बटै । समितीके सह सचिवमे तेज बहादुर बम ओ सिद्दराज पौडेल खत्री निर्वाचित हुइल बटै । गाउँ समिति ३७ सदस्यीय बनल बा ।
धनगढी उपमहानगरपालिकाके नगरसभापतिमे यज्ञराज उपाध्याय निर्विरोध निर्वाचित हुइल बटै । ओस्टेक घोडाघोडी नगरपालिकामे सभापतिमे बम बहादुर सिंह, गौरीगंगा नगरपालिकाके सभापतिमे पहल विक्रम चन्द, भजनी नगरपालिकाके सभापतिमे नवराज मिश्र, गोदावरी नगरपालिकाके सभापतिमे विर बहादुर चोखाल, टीकापुर नगरपालिकाके सभापतिमे नरेश खत्री ओ लम्कीचुुहा नगरपालिकाके सभापतिमे इन्द्र कुवँर आइल बटै ।