५७७ जाने अपांगता रहल नागरिकहे घर दैलोमे खोप सेवा

पहुरा समाचारदाता
धनगढी,३ अगहन । कैलाली जिल्ला टीकापुर नगरपालिकाके नौ वडाके ५ सय ७७ जाने अपांगता रहल नागरिक घर दैलोमे कोरोना विरुद्धके खोप पैले बटै ।

कर्डएड, लुथरन बिश्व फेडरेसन नेपाल, दिगो विकास समाज भजनी ओ सर्वाङिण अपांगता विकास समाज नेपालके सयुक्त साझेदारी, टिकापुर नगरपालिका स्वास्थ्य शाखा, महिला बालबालिका तथा समाज कल्याण उप शाखाके समन्वयमे टीकापुर नगरपालिकाके नौ वडाके ५ सय ७७ जाने अपांगता रहल नागरिक घर दैलोमे कोरोना विरुद्धके खोप पाइल कार्यक्रमका प्राबिधिक सहजकर्ता नन्दराज भट्ट बटैलै ।
अपांङता रहल व्यक्तिहुकनके हकअधिकारके सक्रिय अगुवा नन्दराज पुर्णअशक्त ओ अतिअशक्त अपांगता रहल नागरिकहुकनके घर दैलोमे जाके कोरोना विरुद्धके खोप, अभियान तथा सहायक सामग्री नापजाँच अभियान जारी राखल कहटी टीकापुर नगरपालिकाके ९ वडामे सफलता पुर्वक सम्पन्न सफल हुइल जनैलै ।

पाँच दिनसम जारी रहल अभियानमे पुर्ण अपांगता रहल ६१ जाने, अति अशक्त रहल अपांगता रहल २ सय ३२ जाने, मध्य अपांगता रहल १ सय २२ जाने, सामान्य अपांगाता रहल १ सय १८ जाने अपांगता रहल नागरिक घर दैलोमे खोप सेवा पाइल प्राविधिक सहजकर्ता भट्ट बटैलै । उ अभियानमे महिला २ सय ५२ ओ पुरुष ३ सय २५ जाने अपांगता भएका नागरिक, एकल महिला ओ जेष्ठ नागरिक लाभान्वित हुइल उहाँ जनैलै ।

अभियानमे टीकापुर नगरपालिका कार्यालयका महिला बालबालिका तथा समाज कल्याण उप शाखा प्रमुख संगीता शाह, अस्तुर्नी चौधरी, स्वास्थ्य शाखा खोप विभाग प्रमुख धर्मदेव बटला ओ सर्वाङिण अपांगता विकास समाज नेपालके कार्यकारी निर्देशक नन्दराज भट्टसे सुरुवात करल रहिट ।

नगरपालिकाके प्रमुख प्रशासकीय अधिकृत दमनसिंह चौधरी यी कार्यक्रम नेपालके लाग नमूना रहल ओरसे अभियान करुइयाहे सस्थाप्रति आभार व्यक्त करलै । ओस्टेक यी अभियान धनगढी उपमहानगरपालिका, गौरीगंगा नगरपालिका ओ बर्दगोरिया गाउँपालिका गाउँपालिकामे अभियान संचालन कैसेकल सर्वाङिण अपांगता विकास समाज नेपालके कार्यकारी निर्देशक नन्दराज बटैलै ।