कैलारीके २८० जाने घर दैलोमे पैलैं खोप सेवा
पहुरा समाचारदाता
हसुलिया, ५ अगहन । कैलारी गाउँपालिका अन्तर्गत ९ वडाके २ सय ८० जाने अपांगता रहल नागरिक घर दैलोमे पैलैं खोप सेवा पैले बटैं ।
कर्डएड, लुथरन बिश्व फेडरेसन नेपाल, दिगो विकास समाज भजनी ओ सर्वाड्डिण अपांगता विकास समाज नेपालके सयुक्त साझेदारी, कैलारी गाउँपालिका स्वास्थ्य शाखाके समन्वयमे पूर्ण अशक्त ओ अति अशक्त अपांगता रहल नागरिकहुकनके घर दैलोमे जाके कोरोना विरुद्धके खोप, पालिकाकामे सफलता पुर्वक सम्पन्न करके २ सय ८० जनहनहे सेवा डेहल उ कार्यक्रमके प्राविधिक सहजकर्ता नन्दराज भट्ट जानकारी डेलै ।
२ दिनसम ९ वडामे निरन्तर अभियान संचालन हुके २१ जाने पुर्ण अशक्त ९० जाने अतिअशक्त ८९ जाने मध्यम ओ ५० जाने सामान्य अपांगता रहल नागरिक, ११ जाने एकल महिला ओ १९ जाने जेष्ठ नागरिक लाभान्वित हुइल बटै ।
उ खोप अभियान अगहन १ गते कैलारी गाउँपालिका कार्यालयके स्वास्थ्य शाखा खोप बिभाग प्रमुख ओ सर्वाङिण अपांगता विकास समाज नेपालके कार्यकारी निर्देशक नन्दराज भट्टसे सुरुवात करल कार्यक्रममे गाउँपालिका सामाजिक विकास अधिकृत यगम कलेल करले रहिट ।
उहाँ कहलै, यी कार्यक्रमसे जनताके घर दैलोमे खोप डेना काम नेपालके लाग नमूना हो । जब कि हम्रे खोप केन्द्रमे २० जाने जतिफे लक्षित वर्गके लाग खोप लगाई नइसेकल अवस्थामे यी अभियानसे २ दिनमे २८० जनहनहे सेवा डेना महान तथा अनुकरनिय हो ।’ अभियान संचालन करुइया संघसस्थाहे उहाँ धन्यवाद सहित अइना दिनमे सहयोगफे कैना प्रतिबद्धता जनैलै ।
