भुपेन्द्रके हत्या आरोपमे ठप १ जाने पक्राउ

पहुरा समाचारदाता
धनगढी, ६ अगहन । भुपेन्द्र बडुवालके हत्या आरोपमे ठप एक जाने जिल्ला सुनसरी धरान उप–महानगरपालिका वडा नं ४ से पक्राउ परल बटै ।

फरार रहल प्रतिवादी जिल्ला कैलाली लम्कीचुहा नगरपालिका वडा नं ३ चिसापानी बैठना बर्ष १९ के मदन शाहीहे जिल्ला प्रहरी कार्यालय सुनसरीके समन्वयमे जिल्ला सुनसरी धरान उप–महानगरपालिका वडा नं ४ स्थितसे पक्राउ करके ठप अनुसन्धान कार्य जारी रहल जिल्ला प्रहरी कार्यालय कैलाली जनैले बा ।

कार्तिक २३ गते रातके समयमे जिल्ला कैलाली टिकापुर नगरपालिका वडा नं.१ स्थित सिद्वार्थ होटल लग्गे जिल्ला कैलाली लम्कीचुहा नगरपालिका वडा न. १ लम्की चौराह लग्गे बैठना बर्ष २३ के भुपेन्द्र बडुवालके धारिलो हतियार प्रयोग करके हत्या करल घटनाके अनुसन्धानके क्रममे रहल प्रहरी जनैले बा ।